وہ بھی سراہنے لگے اربابِ فن کے بعد ۔ کیفی اعظمی

دادِ سُخن ملی مجھے ترکِ سُخن کے بعد

دِیوانہ وار چاند سے آگے نِکل گئے
ٹھہرا نہ دِل کہِیں بھی تری انجمن کے بعد

ہونٹوں کو سی کے دیکھیٸے پچھتائیے گا آپ
ہنگامے جاگ اُٹھتے ہیں اکثر گھٹن کے بعد

غربت کی ٹھنڈی چھاؤں میں یاد آئی اُس کی دُھوپ
قدرِ وطن ہوئی ہمیں ترکِ وطن کے بعد

اعلانِ حق میں خطرۂ دار و رَسن تو ہے
لیکن سوال یہ ھے کہ دار و رسن کے بعد

اِنساں کی خواھشوں کی کوئی اِنتہا نہیں

دو گز زمیں بھی چاہیے دو گز کفن کے بعد

بحرِ مجتث مثمن مخبون محذوف مقطوع

ارکان ۔۔  مفعول ۔ فاعلات ۔۔ مفاعیل۔۔ فاعلن
ہندسی اوزان ۔۔ 122۔۔ 1212 ۔۔ 1221۔۔ 212
آخری رکن فاعلن 212 کی جگہ فاعلان 1212 بھی آ سکتا ہے